Ipoteka Markazi

Ипотека кредити ўзи нима?

adm1n — Tue, 08 Feb 2022 06:52:21 +0000

Ипотека кредити — бу, содда қилиб айтганда, уй-жой харид қилиш учун муайян гаров (кўчмас мулк) эвазига банк томонидан бериладиган қарз.

Ипотека кредити маблағи эвазига сиз уй-жой харид қилишингиз мумкин, тўловни эса белгиланган муддат давомида қисмларга бўлиб тўлаб борасиз. Айни дамда бирламчи бозорда хонадон харид қилиш учун бериладиган ипотеканинг йиллик фоиз ставкаси 17–19% ни ташкил қилади. Ипотека маблағлари 20 йилгача бўлган муддатга берилади. Шу билан бирга, ипотека олиш учун харид қилинаётган хонадон қийматининг камида 15 фоизини шахсий маблағларингиз ҳисобидан тўлашингиз лозим.

Шундай қилиб, ипотека кредитини муайян фоиз эвазига банк тақдим этади. Бошланғич тўловни киритгандан сўнг ипотека кредити ёрдамида хонадон учун қолган тўловларни амалга оширишингиз мумкин.

The post Ипотека кредити ўзи нима? appeared first on Ipoteka Markazi.

Ўзбекистондаги илк Ипотека Маркази!

adm1n — Mon, 07 Feb 2022 05:33:28 +0000

Қадрли юртдошлар, сизларга мамнуният билан шуни эълон қиламизки, тез кунда Ўзбекистондаги илк ипотека маркази ўз фаолиятини бошлайди. Ипотека Маркази аҳолига хонадон харид қилишда энг мақбул ва фойдали таклифларга асосан керакли ипотека кредитларини олишга ёрдам берувчи марказ ҳисобланади.

Янгиликларни кузатишда давом этинг.

The post Ўзбекистондаги илк Ипотека Маркази! appeared first on Ipoteka Markazi.

Ипотека маркази — халқ хизматида

adm1n — Mon, 07 Feb 2022 05:33:24 +0000

Ўзбекистондаги илк Ипотека марказининг Telegram’даги расмий саҳифасига хуш келибсиз.

Ипотека маркази — бу турар жой бинолари хонадонларини ипотека кредити асосида харид қилишга ёрдам берувчи хизмат кўрсатиш марказидир.

Марказ, шунингдек, қуйидаги хизматларни кўрсатади:
— энг мақбул шартларда тақдим этиладиган ипотека кредити бўйича таклифлар беради;
— ипотека кредитлари бўйича давлат дастурлари, имтиёзлар ва субсидиялар бўйича маълумот беради;
— бирламчи турар жой биноларининг улкан базаси бўйлаб ипотека асосида хонадон харид қилишга ёрдам беради;
— бутун Ўзбекистон бўйлаб сизга мақбул жойлашувга эга хонадон излашда кўмакчи бўлади.

Ипотека марказига ташриф буюринг ва шахсий хонадонингизга эга бўлиш учун илк қадамларни қўйинг!

The post Ипотека маркази — халқ хизматида appeared first on Ipoteka Markazi.

Ким ипотека олиши мумкин?

adm1n — Mon, 07 Feb 2022 05:21:11 +0000

Тез-тез бериладиган саволлардан бири — бу “Мен ипотека ола оламанми?”. Қонунчиликка кўра, ипотека кредитини қўлга киритиш учун қуйидаги талабларга мос келишингиз керак:

— 18 ёшга тўлган ва 60 ёшдан ошмаган Ўзбекистон Республикаси фуқароси бўлишингиз;
— доимий иш жойи ва даромад манбаига эга бўлишингиз;
— қарз юкингиз 70% дан ошмаган бўлиши;
— бошланғич тўлов хонадон нархининг камида 15% ини ташкил қилиши;
— аввал олган кредитларингиз бўйича муддатидан ўтиб кетган қарзлар бўлмаслиги лозим.

Агар сизда юқоридаги бандларга оид муаммолар бўлмаса, энг мақбул шартлар асосида хонадон харид қилиш учун бемалол бизнинг марказимизга мурожаат қилишингиз мумкин.

The post Ким ипотека олиши мумкин? appeared first on Ipoteka Markazi.